Mae pobl y Garw sydd wrth eu boddau â llyfrau wedi gweld dechrau cyfnod newydd gydag agoriad cyfleuster llyfrgell newydd yng Nghanolfan Bywyd Cwm Garw.

Arferai’r llyfrgell fod wedi ei lleoli ar Stryd Rhydychen ym Mhontycymer, ond mae ei chartref newydd yn golygu ei bod bellach yn gallu cynnig oriau agor hirach, mwy o lyfrau, amrywiaeth ehangach o adnoddau benthyg ychwanegol gan gynnwys fformatau DVD a CD, mwy o gyfleoedd i gynnal gweithgareddau dysgu cymunedol ac addysgol, man newydd i blant a gwell cyfleusterau TGCh, gan gynnwys Wi-Fi am ddim i aelodau'r llyfrgell.